Xalq artisti Brilliant Dadaşova bu gün vəfat edən ilahiyyatçı Hacı Şahin Həsənli ilə bağlı paylaşım edib.
RegionTV.info xəbər verir ki, sənətçi şəxsi instaqram hesabında Hacı Şahinin şəkilini paylaşaraq onun ölümünə görə kədərləndiyini bildirib:
"Bəzən tanımadığımız insanlar üçün ağlayırıq. Sözdə yox, özdə Allahın əlindən tutduğunu hiss edir qəlbimiz... Onun hikməti, zəmanəmizə xas olmayan mərifəti, dünyadan getmə qabiliyyəti səssiz-səmirsiz...".
Xatırladaq ki, ilahiyyatçı Hacı Şahin Həsənli bu gün gecə saat 05:00 radələrində ürəktutmasından vəfat edib. Qafqaz Müsəlmanları İdarəsinin (QMİ) səlahiyyətli nümayəndəsi Yasamal qəbiristanlığında torpağa tapşırılıb.
