Prezident İlham Əliyev mədəniyyət nazirinə müavin təyin edib.
RegionTV.info xəbər verir ki, dövlət başçısının müvafiq Sərəncamı ilə bu vəzifəyə Səadət Vidadi qızı Yusifova təyinat alıb.
Sərəncama əsasən, Səadət Vidadi qızı Yusifova mədəniyyət nazirinin müavini təyin olunub.
Dövlət başçısının digər sərəncamları ilə Vaqif Əliyev mədəniyyət nazirinin birinci müavini və Sevda Məmmədəliyeva isə nazir müavini vəzifəsindən azad edilib.
Qeyd edək ki, S.Yusifova 1974-cü ildə anadan olub. 1998-ci ildə “Hər gün” qəzetində jurnalist kimi fəaliyyət göstərib. Hüquq üzrə fəlsəfə doktorudur.
Səadət Yusifova Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsinin baş məsləhətçisi vəzifəsində də çalışıb.
Son təyinata qədər o, Prezident Administrasiyasının Qeyri-hökumət təşkilatları ilə iş və kommunikasiya şöbəsinin müdir müavini vəzifəsində işləyirdi.
