RegionTV.info
Göyçayda polis əməliyyat keçirib, saxlanılan var.
Bu barədə hüquq-mühafizə orqanlarından məlumat verilib.
Belə ki, 20 fevral 2023-cü il tarixdə Göyçay Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində Qədirov Famil Surət oğlu Göyçay şəhəri ərazisində saxlanılıb. Daha sonra o, rayon polis şöbəsinə gətirilib. Famil Qədirovun üzərində şəxsi axtarış keçirilərkən onun əynində olan şalvarının sol yan cibindən 1 ədəd bükümdə 2,557 qram külli miqdarda heroin aşkar olunaraq götürülüb.
Faktla bağlı Cinayət Məcəlləsinin 234.1-1-ci maddəsi ilə cinayət işi başlanılıb, istintaq aparılır.
