Suriyada dağıntılar altında dünyaya gələn qız uşağını övladlığa götürmək üçün minlərlə şəxs müraciət edib.
RegionTV.info xəbər verir ki, xəstəxanada həkimlərin nəzarəti altında olan körpənin vəziyyəti yaxşıdır.
Xatırladaq ki, Afrin vilayətinin Cindires qəsəbəsində dağıntılar altında dünyaya gələn Aya adlı körpə xilas edilərkən hələ də göbək bağı ilə anasına bağlı idi. Ayanın anası, atası və ailənin digər 4 uşağı dağıntılar altında qalaraq həyatını itirib.
Qeyd edək ki, Suriyada zəlzələ qurbanlarının sayı 3 384 nəfərə çatıb.
