Rusiya Müdafiə Nazirliyi ilk dəfə "Orion" dronunu zərbə versiyasında göstərib. 

Moderator.az xəbər verir ki, bu haqda məlumat qurumun saytında təqdim edilmiş 2021-ci il üçün  müasir rus silah nümunələrinin təqvimində yayılıb.   

 Dronun "Yorğa"  təcrübə-konstruktor layihəsi çərçivəsində yaradılmış səhra kamuflyajında və  “KAB-20” aviabombalarıyal təchiz edilmiş digər versiyası da nümayiş etdirilir. “Zvezda TV” kanalının qeyd etdiyi kimi, bu mərmilərin ağırlığı 21 kiloqram, qəlpə-fuqaslı döyüş başlığı isə 7 kiloqramdır. Bundan əlavə,  “KAB-20”-lər peyk və lazerlə idarə olunan özüyönləndirmə sistemləri ilə təchiz edilmiş və yüngül zirehli maşınları və düşmənin canlı qüvvəsini məhv etmək üçün nəzərdə tutulub.

Təqvimdə “Orion”dan əlavə beşinci nəsil “Su-57” qırıcısı, “Ovçu” ağır hücum dronu və digər müasir hərbi texnikaların fotoları da nümayiş olunur.

“Orion” – Rusiyanın “MALE” (uzunmüddətli orta hündürlüklü uçuş vasitələri) sinfindən olan  ilk insansız uçağıdır. Bu dronların dünya bazarında  rəqibləri Amerikanın “Predator”, İsrailin “Heron” və bir sıra Çin sistemləridir.