Yaponiyanın Kobe şəhərində yaşayış kompleksində yanğın baş verib.
RegionTV.info xəbər verir ki, hadisə nəticəsində 4 nəfər ölüb, daha 4 nəfərin isə vəziyyəti ağırdır.
Yerli polisin məlumatına görə, Kobe qatar stansiyası yaxınlığındakı yaşayış kompleksində yanğınla bağlı yanğınsöndürmə idarəsinə zəng yerli vaxtla saat 01.30 radələrində (Bakı vaxtı ilə 20:30) daxil olub.
Yanğın yalnız üç saatdan sonra söndürülüb. Üç mərtəbəli binanın birinci mərtəbəsində dörd nəfərin meyiti aşkarlanıb. Yaşı 40-70 arasında olan daha 4 nəfər xəstəxanaya yerləşdirilib. Onlar huşsuzdurlar və ağır vəziyyətdədirlər.
