Ağcabədidə 67 yaşli qadın kəsici-deşici alətlə öldürülüb.
RegionTV.info xəbər verir ki, Ağcabədi rayonunda 67 yaşlı Güldəstə Mehdiyevanın öldürülməsi barədə polisə məlumat daxil olub.
Araşdırmalarla cinayət əməlini onun həyat yoldaşı 70 yaşlı Əliyar Mehdiyevin törətməsi ilə bağlı əsaslı şübhələr müəyyən olunub.
Məlumata görə, arvadını qətlə yetirməkdə şübhəli bilinən 70 yaşlı Əliyar Mehdiyev intihara cəhd edib. Hadisəyə ailədaxili münaqişənin səbəb olduğu bildirilib.
Əliyar Mehdiyevin səhhəti yaxşılaşdıqdan sonra onun təqsirləndirilən şəxs qismində məhkəməyə çıxarılacağı bildirilir.
