İslam Əməkdaşlıq Təşkilatının (İƏT) Baş Katibliyi Ermənistanın Azərbaycanın Qarabağ bölgəsində təbii sərvətlərin qanunsuz istismarını pisləyir.
RegionTV.info xəbər verir ki, təşkilatın yaydığı bəyantda qeyd olunub ki, Azərbaycanın təbii sərvətlərin qanunsuz istismarı Azərbaycan, Ermənistan və Rusiya liderlərinin 10 noyabr 2020-ci il tarixli üçtərəfli bəyanatına ziddir.
Ətraf mühitlə bağlı standartlara əməl olunmadan faydalı qazıntı yataqlarının istismarı beynəlxalq hüququn və Azərbaycan Respublikasının milli qanunvericiliyinin pozulmasıdır. Bu ciddi narahatlıq yaradır. Baş Katiblik bütün mübahisəli məsələləri dialoq yolu ilə həll etməyə çağırır və Azərbaycanın bu istiqamətdə səylərini yüksək qiymətləndirir.
