Pelenin tabutu vida mərasiminin keçiriləcəyi “Santos” futbol klubunun stadionuna aparılıb.
Bazar ertəsi gecə kortejdə olan cənazə maşını futbolçunun vəfat etdiyi San-Paulu klinikasından çıxıb.
Futbolçunun karyerasının çox hissəsini eyniadlı klubunda keçirdiyi Santos şəhərinin küçələrində azarkeş bayraqları və ağ komanda köynəyi olan insanlar cənazə maşınını qarşılaşıblar.
"Biz evə gəldik" deyə Pelenin oğlu Vila Belmira stadionunu - "futbol məbədini" geotəq edərək yazıb.
Stadion yerli vaxtla saat 10:00-da Pele ilə vidalaşmaq istəyənlərin üzünə açılacaq. Onlar tabutun yanından keçə biləcəklər, tabut stadionun mərkəzində, çardaq altında yerləşdiriləcək. Mərasim bir gün davam edəcək, bundan sonra Pelenin cəsədi olan tabut şəhərin küçələri ilə, o cümlədən, yüz yaşlı anasının hələ də yaşadığı evin yanından aparılacaq.
Qeyd edək ki, əfsanəvi futbolçu, Braziliya millisinin sabiq üzvü, üçqat dünya çempionu Pele dekabrın 29-da uzun sürən xəstəlikdən sonra xəstəxanada vəfat edib.
Xatırladaq ki, 1940-cı il təvəllüdlü Pele futbol üzrə yeganə üçqat dünya çempionudur. O, Braziliya yığmasının heyətində 92 görüş keçirib, 77 qol vurub. Pele XX əsrin ən yaxşı futbolçusu elan edilib, eyni zamanda karyerası ərzində 1279 qolla Ginnesin rekordlar kitabına düşüb.
Onu da bildirək ki, əfsanəvi futbolçu Braziliyanın "Santos", Amerikanın "Nyu-York Kosmos" komandalarının heyətində çıxış edib.
