Bakıda fəaliyyətini dayandırmış daha bir dövlət müəssisəsinin binası narkomanların məskəninə çevrilib.
RegionTV.info xəbər verir ki, söhbət Sabunçu rayonu, Maştağa qəsəbəsində yerləşən xəstəxana binasından gedir.
Bir vaxtlar narkoloji dispanser kimi fəaliyyət göstərmiş obyektə hazırda narkomanlar tezt-tez toplaşır.
Sakinlər mövcud vəziyyətlə bağlı REAL TV-yə bildirib ki, adı çəkilən yer həm zibilliyə, həm də gecələr narkomanların baş çəkdiyi əraziyə çevrilib.
Daxili İşlər Nazirliyinin Mətbuat Xidmətinin əməkdaşı Nurlan Əliyev deyib ki, avaralıq, tufeyli həyat tərzi sürən, həmçinin narkotik vasitələrdən istifadə edən şəxslərin paytaxt ərazisində yarı tikililərdə, nəzarətsiz olan ərazilərə toplaşaraq neqativ əməllərlə məşğul olma halları ilə bağlı polis əməkdaşlarının zəruri tədbirləri həyata keçirməsi diqqət mərkəzində saxlanılır.
