Tviterin rəhbəri İlon Mask ABŞ-ın sabiq prezidenti Donald Trampın hesabının təzyiqlər səbəbindən 2021-ci ildə bloklandığını bildirib.
Bu barədə o, özünün tviter səhifəsində yazıb.
“Yüzlərlə işçi fəalın təzyiqi altında tviter ABŞ-ın keçmiş prezidenti Trampı blokladı, baxmayaraq ki, onlar özləri də Trampın qaydaları pozmadığını etiraf edirlər”, - deyə Mask bildirib.
Qeyd edək ki, Trampın tviterdəki səhifəsi ötən ay İlon Maskın siyasətçinin sosial şəbəkədəki hesabının blokdan çıxarılacağını elan etməsindən dərhal sonra bərpa olunub. Trampın 2009-cu ilin martında yaradılan səhifəsindəki bütün yazıları saxlanılır. Son mesaj 2021-ci il 9 yanvar tarixində yazılıb.
