Gürcüstanın hazırda həbsdə olan sabiq prezidenti Mixail Saakaşvili siyasi fəaliyyətlə məşğul olmayacaq.
Bu barədə onun anası Qiuli Alasaniya siyasətçinin feysbuk səhifəsində yazıb.
“Mixail Saakaşvili bundan sonra Gürcüstanın siyasi həyatında iştirak etməyəcək”, - deyə Q.Alasaniya vurğulayıb. O, oğlunun həbsi ilə bağlı hazırkı Gürcüstan hakimiyyətini günahlandırmadığını vurğulayıb.
Qeyd edək ki, Gürcüstanın eks-prezidenti Mixail Saakaşvilinin səhhətində ciddi problemlər yaranıb.
