İran silah embarqosunun bitməsindən istifadə edərək, ən müasir silah sistemlərinin alınması üçün danışıqlar aparır.

Axar.az xəbər verir ki, bu məlumatı İran Müdafiə Nazirliyi yayıb. Nazirlik İranın öz istehsalı olan silahların bir neçə dövlətə ixracı barədə danışıqlar apardığını bildirib.

İranın həmçinin Çinin müasir J-10 qırıcı-bombardmançılarını almaq istədiyi vurğulanıb. Tehranın F-35 təyyarələrinin analoqu sayılan J-20 təyyarələrinə də maraq göstərdiyi bildirilib.