Böyük Britaniya kralı III Çarlz mərhum kraliça II Elizabetin yarış atlarını sataraq 1 milyon funt-sterlinqdən çox pul qazanıb.
Bu barədə “The Sun” nəşri məlumat yayıb.
III Çarlz anasının on dörd atını Nyumarketdəki Tattersalls auksionunda satıb. Onların arasında II Elizabetin ölümündən cəmi iki gün əvvəl Qudvudda yarışda qalib gəlmiş Love Affairs adlı yarış atı da olub.
Satış krala 1, 075 milyon funt sterlinq qazandırıb. Atlar orta hesabla 75.000 funt-sterlinqə hərraca çıxarılıb.
