Region internet televiziyası!
Son Xəbərlər
TR
RU
EN

Bu bağçada əmək haqları düzgün ödənilmir


Sumqayıt şəhəri, 65 nömrəli körpələr evi-uşaq bağçasının rəhbərliyi tərəfindən əmək haqlarının düzgün hesablanıb ödənilməməsi barədə aparılan araşdırmanın nəticəsi açıqlanıb.

 

Bu barədə Dövlət Əmək Müfəttişliyi Xidmətinin mətbuat katibi Aynur Osmanqızı məlumat paylaşıb. Onun sözlərinə görə, Nəzərli Sevda Fikrət qızının müdiriyyəti tərəfindən əmək hüquqlarının pozulması barədə Dövlət Əmək Müfəttişliyi Xidmətinə etdiyi müraciət araşdırılıb və cavablandırılıb:

 

“Bildiririk ki, S.Nəzərli orta ixtisas təhsillidir. Təhsil sahəsinə aid olan Vahid–Tarif İxtisas Sorğu Kitabçasına əsasən orta ixtisas təhsilli tərbiyəçilər üçün əməkhaqlarının ödəniş dərəcəsi 12-ci dərəcə ilə ödənilir.

 

S.Nəzərli tarif maaşı ilə yanaşı, ilin müəyyən vaxtlarında əvəzçilik üzrə işlədiyi iş saatlarına görə əmək haqqına əlavə alıb. Vətəndaşın narazılığı da məhz əvəzçiliyin daimi verilməməsi, verildiyi halda əmək haqqına əlavənin miqdarının düzgün hesablanmaması ilə bağlıdır. Qeyd edək ki, əmək haqqı və ona əlavə işçinin işlədiyi iş saatlarına uyğun olaraq tənzimlənir.

 

Qanunvericiliyin izahı və müraciətinin öz iştirakı ilə araşdırılması üçün Sevda xanım DƏMX-in Abşeron-Xızı regional şöbəsinə dəvət edilsə də, o müraciətinə dair izahat verməkdən, müvafiq sənədləri (əməkhaqlarının ödənilməsinə dair bank çıxarışı) təqdim etməkdən imtina edib.

 

Araşdırmanın nəticəsində təqdim olunmuş sənədlərə əsasən müəyyən olunub ki, onun maaşının hesablanıb ödənilməsi qanunvericiliyin tələblərinə uyğun təmin edilib”.


Xəbəri paylaş
Digər maraqlı xəbərləri buradan izləyin
Facebook-da
Twitter-də
Teleqram-da
YouTube-də