Dünyada davam edən əhali qocalması tendensiyası Azərbaycanda da müşahidə olunur.
İqtisadçı Samir Əliyev məlumat açıqlayıb.
İqtisadçının sözlərinə görə, 2005-ci illə müqayisədə 18 yaşa qədər uşaqların ümumi əhalidə payı 31,8%-dən 25,7%-ə düşüb:
"Azalma təkcə xüsusi çəkidə deyil. Bu yaş qrupuna daxil olan vətəndaşlarımızın sayı son 16 ildə 3,9% azalaraq 2,7 milyon nəfərdən 2,6 milyon nəfərə düşüb. Bu, çox narahatedici məqamdır və demoqrafiya üçün təhlükədir. Azalma digər göstəricilərdə də qeydə alınıb".
