Rusiya, Belarus və Myanmaya rəsmilərinə Böyük Britaniyanın mərhum kraliçası II Elizabetin dəfn mərasimində iştirak etmək üçün dəvətnamə verilməyib.
Bu barədə Britaniya mediası məlumat yayıb.
Bildirilib ki, dəfn mərasimində dünyanın müxtəlif yerlərindən gələn 500-ə yaxın vəzifəli şəxsin iştirakı gözlənilir.
Qeyd edək ki, 96 yaşlı kraliça II Elizabet sentyabrın 8-də dünyasını dəyişib. Onun ölümündən sonra oğlu Çarlz kral elan edilib.
