Kiyevdə ruslarla əlaqəli küçə adları dəyişdirildi

Ukraynanın paytaxtı Kiyev şəhərində rus və sovetlərlə əlaqəli 95 küçənin adı dəyişdirilib.
 
Qərar Kiyev meri tərəfindən verilib.
 
"Yeni adlar Ukraynanın əlamətdar tarixi hadisələrinin, eləcə də dövlətimizin müstəqilliyi uğrunda mübarizə aparmış məşhur simaların və qəhrəmanların xatirəsini əbədiləşdirəcək", - mer Vitali Kliçko bildirib.
 
Sovet İttifaqı müdafiə nazirinin soyadını daşıyan başqa bir küçənin adı dəyişdirilərək Ukraynanın Azov alayının adı verilib.