İmran Xana canlı yayım qadağası qoyuldu

Pakistanın Media Nəzarət Xidməti telekanallara keçmiş baş nazir İmran Xanın çıxışlarını canlı yayımlamağı qadağan edib.
 
Bu barədə qurumun mətbuat xidməti məlumat yayıb.
 
İmran Xanın çıxışlarının konstitusiyaya və medianın davranış kodeksinə zidd olduğu bildirilir.
 
Xanın çıxışlarında və bəyanatlarında davamlı olaraq dövlət qurumlarına qarşı ittihamlar irəli sürdüyü, əsassız fikirlər səsləndirdiyi, dövlət qurumlarına və məmurlara qarşı təxribat xarakterli bəyanatları ilə nifrət ifadələri yaydığı qeyd olunur.