Ermənistanda hərbçilərin valideynləri hökumət binasının qarşısında etiraz aksiyası keçiriblər.

Moderator.az düşmən mediasına istinadən xəbər verir ki, əsgər valideynləri Müdafiə Nazirliyindən sonra hökumət binasının qarşısına yürüş ediblər. Onlar uşaqlarının həyatı üçün narahat olduqlarını bildiriblər:

“Zəng etdikdə nə xəbər olduğunu soruşurlar və onlar üçün nəsə deyə bilmədiyimizə  görə utanırıq. Burda çarəsiz qalmışıq və  onlara heç bir kömək edə bilmədiyimiz üçün  xəcalət çəkirik. Biz isti yatağımızda  yatırıq, uşaqlarımız isə yerdə torpağı üstündə yatırlar” - deyə etirazçılardan biri deyib. 

Etirazçılar hökumət binasında onları kiminsə qəbul etməsini tələb ediblər, əks halda dağılışmayacaqlarını deyiblər.