Zelenskidən Avropaya çağırış: “Hamı birləşməlidir”

Brüsseldə Avropa İttifaqına (Aİ) üzv ölkələrin liderlərinin iclasında Ukrayna Prezidenti Volodimir Zelenki çıxış edib.
 
Zelenski bazar ertəsi Avropa İttifaqını daxili mübahisələri kənara qoymağa və blokun Rusiyaya qarşı təklif etdiyi altıncı sanksiyalar paketini təsdiqləmək planlarını davam etdirməyə çağırıb.
 
"Sizin ayrı deyil, bütöv olmağınızın vaxtıdır. Ukrayna nümayiş etdirdi ki, hamı birləşməlidir. Biz hamımız bir məqsəd üçün çalışırıq", - deyə Zelenski sammitdə videobağlantı vasitəsilə çıxışı zamanı bildirib.
 
Ukrayna lideri altıncı sanksiya paketinin qəbul edilməsinin sürətləndirilməsinə çağırıb.