Region internet televiziyası!
Son Xəbərlər
TR
RU
EN

Minlərlə qadına dəstək göstərən ilk gəncəli sahibkar xanım


Müasir tariximizdə Gəncənin ilk rəsmi sahibkar xanımı Zenfira Ağayeva fəaliyyətini uğurla davam etdirir. 

Gəncəli “business woman” Nizami yurdunun ilk sahibkar qadını kimi 1995-ci ildən təsisçisi olduğu MM “Qızıl Əllər” tədris müəssisəsinin rəhbəridir. Mərkəz 5 istiqamətdə fəaliyyət göstərir. Bunlar təhsil, tekstil, xalça, mebel və xidmət sahələridir.

Zenfira xanımın səyləri nəticəsində ildə 500-dən artıq vətəndaş peşə sahibi olur. Məzunların əksəriyyəti isə müəssisə tərəfindən işlə təmin olunur.

“Sahibkar Qadınlar” İctimai Birliyinin 7000-dən çox üzvü, 21 rayonda mərkəzləri var. Onlar 26 xarici ölkədə sahibkar qadınlarla əməkdaşlıq edirlər. Birliyin xətti ilə hər il 100-dən artıq sahibkar qadın xaricdə təcrübə mübadiləsi aparır.

Zenfira xanım 1998-ci ildə adıçəkilən birliyin fəaliyyətinə start verib. 2001-ci ildən isə Ədliyyə Nazirliyində Dövlət qeydiyyatından keçirib və çalışmarı rəsmi olaraq davam etdirib.

Zenfira Hüseyn qızı Ağayeva 1950-ci ildə Goranboy rayonunda anadan olub. 1972-1974-cü illərdə Gəncə Yüngül Sənaye texnikumunu, 1990-1994-cü illərdə Azərbaycan Respublikası Ali Tətbiqi Elmlər Kollecinin “Rəssam Modelyer”  ixtisasını, 1991-1995-ci illərdə isə Azərbaycan Texnologiya İnstitutunda “Tikişin texnologiyası” fakültəsini bitirmişdir.

O, geyimin hazırlanması üzrə mütəxəssisdir. İlk əmək fəaliyyətinə modelyer-dizayner kimi başlamışdır. O vaxtlar Zenfira xanım Gəncədə “Modalar Evi” açıb, 3 nəfər işçi ilə işə başlamışdır.
Xəbəri paylaş
Digər maraqlı xəbərləri buradan izləyin