Bu gün Rusiya və Ukrayna rəsmiləri görüşəcək

Bu gün Rusiya və Ukrayna arasında danışıqların növbəti raundu keçiriləcək.
 
Ukrayna nümayəndə heyətinin üzvü, “Xalqın xidmətçisi” partiyasının parlament fraksiyasının rəhbəri David Araxamia görüşün Polşa-Belarus sərhədində baş tutacağını deyib.
 
Danışıqlar Belovejskdə - Puşedə yerli vaxtla saat 15:00-da (Bakı vaxtı ilə saat 16:00) başlayacaq.
 
Qeyd edək ki, bundan əvvəl tərəflər arasında Belarusda iki dəfə görüş keçirilib.