Rusiya-Ukrayna danışıqlarının 3-cü raundunun yeri və vaxtı açıqlandı

Ukrayna və Rusiya arasında danışıqların üçüncü raundu yenə Belarusda keçiriləcək. Danışıqlar gələn həftənin əvvəlində baş tutacaq.

Bunu Ukrayna nümayəndə heyətinin rəhbəri, Ukrayna prezidentinin Aparat rəhbərinin müşaviri Mixail Podolyak deyib.
"Rusiya və Ukrayna arasında danışıqların növbəti raundu gələn həftənin əvvəlində baş tutacaq", -Podolyak bildirib.
Rusiya Federasiyası və Ukrayna nümayəndə heyətləri arasında danışıqların birinci raundu fevralın 28-də, ikincisi - martın 3-də hər ikisi Belarus ərazisində baş tutub.
Dünənki danışıqlar nəticəsində tərəflər müvəqqəti atəşkəsə razılaşıblar.

Rusiya fevralın 24-də Ukraynada müharibəyə başlayıb.