Türkiyənin "Beşiktaş" klubu sıralarını ulduz futbolçuyla gücləndirməyə hazırlaşır.Offsideplus.az "Takvim"ə istinadən xəbər verir ki, İstanbul təmsilçisi Madrid "Real"ının oyunçusu Dani Sebalyosu rənglərinə bağlamağa hazırlaşır. 25 yaşlı mərkəz yarımmüdafiəçisinin "kral klubu" ilə 2023-cü ilədək müqaviləsi var.
Bugünlərdə onun "Real"la yeni sözləşmə imzalayacağı da gözlənilir. "Beşiktaş" isə Sebalyosu icarə əsasında komandaya gətirmək istəyir.
Qeyd edək ki, ispaniyalı futbolçu 2017-ci ildən "Real"da çıxış edir.
