Tovuzda 5 nəfərin xəsarət aldığı yol-nəqliyyat hadisəsi baş verib.
Region tv-nin yerli bürosunun məlumatına görə, hadisə rayonun Yanıqlı kəndində qeydə alınıb. Hərəkətdə olan "VAZ 2107" ilə "VAZ 2106 " markalı avtomobillər toqquşub. Qəza zamanı 2001-ci il təvəllüdlü Vüqar Cəfərov və 1986-cı il təvəllüdlü Amin Əsgərov xəsarət alaraq xəstəxanaya yerləşdirilib. Rayon mərkəzi xəstəxanasından yaralıların vəziyyətinin normal olduğu bildirilir.
Digər qəza isə rayonun Qovlar şəhərində qeydə alınıb.
“NİVA” ilə "Mercedes" markalı avtomobillərin toqquşması nəticəsində 1981-ci il təvəllüdlü Yeganə Sadıqova, 1954-cü il təvəllüdlü Gülmaya Lahıcova və 1949-cu il təvəllüdlü Çiçək Sadıqova xəsarət alıblar. Hər 3 yaralı xəstəxanaya yerləşdirilib, vəziyyətlərinin orta olduğu bildirilir.
Hər iki faktla bağlı araşdırma aparılır.
