Alınmış müvafiq qərara görə, sabahdan etibarən ölkə ərazisində ali təhsil müəssisələrində tədris əyani şəkildə bərpa ediləcək.RegionTV.info xəbər verir ki, qərarın həftələr öncəsindən açıqlanmasına baxmayaraq, universitetlər tələbələrlə dərs cədvəlini yalnız bu gün bölüşüb.
Üstəlik, bəzi universitetlər jurnalda sıra nömrəsi tək və cüt olanları ayıraraq onların 2 həftə ara ilə universitetə gəlmələrini uyğun bilib ki, bu da artıq şəhərə gəlmiş tələbələrin əlavə vaxt itkisinə səbəb olub.
Universitetlərdən tələbə etirazlarına cavab olaraq isə onların da dərs saatları və təşkili forması ilə bağlı Təhsil Nazirliyi tərəfindən son anda bilgiləndirildiyi bildirilib.
Görünən odur ki, Təhsil Nazirliyi və universitetlər, sadəcə “yolavermə” ilə məşğuldurlar.
