"Virusun yayılması ilə bağlı vəziyyət getdikcə yaxşılaşır. Amma bu, pandemiyanın başa çatması deyil, noyabr ayını gözləyək".Bunu RegionTV.info-ya açıqlamasında həkim-infeksionist Namiq Nəbiyev Operativ Qərargahın pandemiya ilə bağlı tətbiq etdiyi qadağaların yüngülləşdirilməsi qərarından danışarkən deyib. Onun fikirincə, buna səbəb 70% vətəndaşın vaksinasiya olunmasıdır:
"Artıq 50-60%-ə yaxın vətəndaşlarımız ikinci doza vaksinasiya olunub. Oktyabrın 1-ə kimi isə birinci doza olunan vətəndaşların ikinci doza vaksinasiya prosesi başa çatacaq. Bu da hardasa 70% vətəndaşın vaksin olunması deməkdir. Bu o deməkdir ki, ağırlaşma azalacaq və getdikçə qərarlar daha da yüngülləşəcək".
