Türkiyənin 7 şəhərində leysan yağışları barədə sakinlərə xəbərdarlıq edilib.RegionTV.info xəbər verir ki, bu barədə ölkənin Fövqəladə Halların İdarə Olunması Agentliyi (AFAD) və Meteorologiya İdarəsi məlumat yayıb.
Bildirilib ki, İstanbul, Çanakkale, Balıkesir, Bursa, Yalova, Kocaeli və Sakarya şəhərlərində güclü yağış yağması gözlənilir. Küləyin sürətinin artması və fırtınaya çevrilməsi barədə əhaliyə xəbərdarlıq olunub.
İnsanlara sel, su basması, ildırım vurması kimi ekstremal hadisələrə hazır olmaq və ehtiyatlı davranmaq tövsiyə edilib.
