Niderland, Cənubi Koreya, Türkiyə və Rusiya yığmalarının sabiq baş məşqçisi Qus Hiddink karyerasını başa vurub.RegionTV.info-nun məlumatına görə, bu barədə 75 yaşlı mütəxəssis "Voetbal International" nəşrinə açıqlamasında deyib.
O, futbolla həmişəlik vidalaşdığını bildirib: "Koronavirus səbəbindən son vaxtlar aktiv fəaliyyətlə məşğul deyildim. Dik Advokat kimi etməyəcəyəm. Futboldan birdəfəlik gedirəm".
Qeyd edək ki, son iş yeri Kurasao millisi olan niderlandlı mütəxəssis ölkəsində PSV, Türkiyədə "Fənərbağça", İspaniyada "Valensiya", "Real Madrid", İngiltərədə "Çelsi" və Rusiyada "Anji" komandalarına da başçılıq edib.
