Türkiyənin xarici işlər naziri Mövlud Çavuşoğlu Serbiyaya səfər edib.RegionTV.info xəbər verir ki, bu barədə nazirin tviter səhifəsində məlumat verilib.
M.Çavuşoğlu serbiyalı həmkarı Nikola Selakoviçlə görüşüb.
Nazir həmçinin Yenipazar bölgəsində bələdiyyə sədri Nihat Bişevacla görüşüb, onun burada Türkiyə baş konsulluğunun açılışında iştirakı planlaşdırılıb.
Qeyd edək ki, Türkiyə XİN başçısının Serbiya Prezidenti, Baş naziri və parlament sədri ilə də görüşlər keçirməsi nəzərdə tutulmuşdu. Görüşlərdə ikitərəfli münasibətlər, əməkdaşlığın gücləndirilməsinə yönələn addımların atılması, regional və beynəlxalq gündəliyin müzakirəsi planlaşdırılıb.
