Dünən axşam saatlarında Lənkəran şəhəri, Aşağı Nüvədi qəsəbəsində dənizdə (nəzarətsiz ərazi) batan 2000-ci il təvəllüdlü Mahir Ramin oğlu Paşayevin meyiti sudan çıxarılıb.RegionTV.info xəbər verir ki, onun meyiti aidiyyatı üzrə təhvil verilib.
Qeyd edək ki, ötən gün Biləsuvar rayon Əsgərabad kənd sakini, 2000-ci il təvəllüdlü Mahir Ramin oğlu Paşayev yaxınları ilə birlikdə Lənkərana istirahətə gəlib. Hadisə baş verən zaman onun yanında bir neçə yeniyetmə də olub. Dəniz sahilində olan sakinlər köməksiz qalan 4 nəfər yeniyetməni xilas ediblər. M.Paşayev isə batıb.
