Bu gün Ermənistan parlamentində ikinci dəfə insident baş verib.RegionTV.info xəbər verir ki, parlament deputatlar arasında davaya görə elan edilmiş fasilədən sonra fəaliyyətini bərpa edib.
Fasilədən sonra yenidən insident yaşanıb və növbəti fasilə elan olunub.
Belə ki, iqtisadi məsələlər üzrə parlament komissiyasının rəhbəri, müxalif “Hayastan” fraksiyasının deputatı Vaqe Akopyanın çıxışı zamanı hakim “Vətəndaş Müqaviləsi” fraksiyasını təmsil edən deputatlar ona mane olublar. Parlament spikeri bir neçə dəfə müxalifət və iqtidar deputatlarına xəbərdarlıq edib.
İqtidar deputatlarından biri V.Akopyanı təhqir etməyə başlayıb və bundan sonra o, tribunanı tərk edərək “Vətəndaş Müqaviləsi” fraksiyası üçün ayrılmış sektora hücum edib.
Bu zaman parlament rəhbərliyi yenidən fasilə elan edib.
