Bakı şəhəri, Nizami rayonu, Heydər Əliyev prospektində baş verən yanğın Fövqəladə Hallar Nazirliyinin (FHN) Dövlət Yanğından Mühafizə Xidmətinin yanğından mühafizə bölmələrinin çevik müdaxiləsi nəticəsində qısa müddət ərzində məhdudlaşdırılaraq söndürülüb.RegionTV.info xəbər verir ki, bununla bağlı FHN məlumat yayıb.
Əlavə məlumat veriləcək.
***15:00
Fövqəladə Hallar Nazirliyi (FHN) Bakıda Heydər Əliyev prospektində baş verən yanğınla bağlı məlumat yayıb.
RegionTV.info xəbər verir ki, FHN-dən verilən məlumata görə, 112 qaynar xəttinə Bakı şəhəri, Nizami rayonu, Heydər Əliyev prospektində yanğın hadisəsi barədə məlumat daxil olub.
Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri hadisə yerinə cəlb olunub.
İlkin məlumata əsasən, göstərilən ünvanda hasarın alkopandan ibarət üzlüyü yanır.
Əlavə məlumat veriləcək.
**14:51
Bakıda Heydər Əliyev prospektində yol kənarında yanğın başlayıb.
Hadisə şahidlərinin verdikləri məlumata görə, yanğın yol kənarında tikililərdən birində qeydə alınıb.
Hazırda alovun ətraf ərazilərə keçməsinin qarşısının alınması üçün yanğınsöndürənlər tərəfindən tədbirlər görülür.
Hadisə nəticəsində Heydər Əliyev prospektində metronun “Koroğlu” stansiyası istiqamətində nəqliyyat vasitələrinin hərəkətində sıxlıq müşahidə edilir.
QALEREYA
