Gürcüstan vətəndaşı olan 6 şəxs Əfqanıstandan evakuasiya olunub.RegionTV.info xəbər verir ki, bu barədə Gürcüstan XİN başçısının müavini Aleksandr Xvtisiaşvili məlumat verib.
Bildirilib ki, Gürcüstanın Macarıstan tərəfi ilə razılığına əsasən, Əfqanıstandakı ABŞ şirkətlərindən birində müqavilə ilə işləyən 6 Gürcüstan vətəndaşı Macarıstana məxsus təyyarə ilə Tbilisi şəhərinə gətirilib.
“Hazırda Əfqanıstanda 16 Gürcüstan vətəndaşı qalıb, onların ölkəyə qayıtması üçün fəal şəkildə çalışırıq”, - nazir müavini əlavə edib.
O qeyd edib ki, Gürcüstan Əfqanıstandan qaçqın qəbul etməyə hazırlaşmır və bu məsələ müzakirə edilmir.
