Rusiyanın Voronej şəhərinin mərkəzində “PAZ” markalı avtobusda qaz balonu partlayıb.RegionTV.info xəbər verir ki, hadisə nəticəsində 12 nəfər sərnişin yaralanıb.
Şəhər Təcili yardım stansiyasından verilən məlumata görə, yaralılar xəstəxanaya yerləşdirilib. Onlardan 2 nəfəri yanıq şöbəsində köçürülüb. Üç nəfərin vəziyyətinin ağır olduğu bildirilib. Bir qadın sərnişinin isə ayağı amputasiya olunub.
Partlayış nəticəsində avtobus tamamilə yanıb, yanğın söndürülüb.
Aidiyyəti xidmətlər hadisə yerinə cəlb edilib.
Qəzanın başvermə səbəbi araşdırılır.
