Azərbaycan xarici işlər naziri Ceyhun Bayramov Türkiyə xarici işlər naziri Mövlud Çavuşoğluna kütləvi meşə yanğınları və insan tələfatı ilə əlaqədar başsağlığı ünvanlayıb.RegionTV.info xəbər verir ki, XİN başçısı bu barədə özünün feysbukdakı hesabında yazıb.
Nazir Azərbaycanın hər zaman qardaş Türkiyənin yanında olduğunu bildirib.
"Qardaş Türkiyədə meşə yanğınlarının davam etməsi, Antalyada 3 nəfərin həyatını itirməsi bizi çox sarsıtdı. Yanğın nəticəsində dünyasını dəyişənlərə Allahdan rəhmət diləyirik. Bu çətin günlərdə qardaş Türkiyənin yanındayıq, hər cür dəstək göstərməyə hazırıq", - deyə C.Bayramov vurğulayıb.
