Yevlaxda xəsarətlə nəticələnən yol qəzası baş verib.RegionTV.info-nun məlumatına görə, hadisə Gülövşə kəndi istiqamətindən keçən magistral yolda baş verib.
Hadisə zamanı "VAZ 2106" və "VAZ 2107" markalı avtomobillər toqquşub. Qəza nəticəsində "VAZ 2106"-nın sürücüsü ağır xəsarət alıb, onun bir qolu üzülüb. Yaralı xəstəxanaya yerləşdirilib.
İlkin məlumata görə, həmin sürücü avtomobili sərxoş vəziyyətdə idarə edirmiş.
Faktla bağlı araşdırma aparılır.
