Gədəbəy rayonunda karantin qaydalarını pozan restoran sahibi məsuliyyətə cəlb olunub.RegionTV.info xəbər verir ki, Daxili İşlər Nazirliyinin Mətbuat xidmətinin Gəncə regional qrupundan verilən məlumata görə, Gədəbəy Rayon Polis Şöbəsinin əməkdaşları rayon ərazisində yerləşən “Modern Park” şadlıq sarayında təşkil olunan toy məclisində karantin rejimindən irəli gələn qayda və tələblərin pozulması halları müəyyən ediblər.
Şadlıq sarayında keçirilən toy mərasimi ilə bağlı məlumatların “icaze.e-gov.az” portalında qeydiyyatdan keçirilməməsi aşkarlanıb.
Sarayın inzibatçısı barəsində qanunamüvafiq tədbirlər görülüb.
