Gürcüstan parlamentində ölkənin Mərkəzi Seçki Komissiyasına (MSK) sədr seçkisi ikinci dəfə baş tutmayıb.RegionTV.info xəbər verir ki, sədrliyə hər iki namizəd yetərli səs toplaya bilməyib.
Giorgi Kalandarişvili tələb olunan 100 səs əvəzinə 83, Giorgi Santuriani isə cəmi 4 səs əldə edib.
Beş il müddətinə sədrin təsdiqlənməsi baş tutmayandan sonra qanunverici orqanda sədrin altı ay müddətinə seçilməsi məsələsi səsverməyə qoyulmalıdır.
Parlament namizədlərə 4 dəfə səs vermək hüququna malikdir.
Qeyd edək ki, MSK-nın keçmiş sədri Tamar Jvaniya iyunun 30-da istefa verib.
