Qurban bayramı ərəfəsində Kənd Təsərrüfatı Nazirliyi və Azərbaycan Qida Təhlükəsizliyi Agentliyi (AQTA) tərəfindən Bakıda və regionlardakı müxtəlif ət kəsimi məntəqələrində sanitariya qaydalarını əməl olunması üçün xüsusi nəzarət mexanizmi tətbiq olunur.RegionTV.info xəbər verir ki, Qurban bayramı günlərində qurbanlıq heyvan kəsimi və satışının həyata keçiriləcəyi ət kəsimi məntəqələrində vəziyyət, pandemiya şəraitində qurbanlıq heyvanların qiyməti, onların necə kəsiləcəyi, qəssabların vaksin olunub-olunmaması və digər riayət olunması zəruri olan məsələlər araşdırılıb.
Qeyd edək ki, iyul ayının 20-21-də Azərbaycanda Qurban bayramıdır.
Qurban bayramı günlərində respublika üzrə 88 ünvanda fəaliyyət göstərəcək qurbanlıq heyvanların satışı və kəsimi yerlərindən 53-də həm kəsim, həm satış, 17-də qurbanlıq heyvanların satışı, 18-də isə yalnız heyvan kəsimi xidmətləri vətəndaşlara təklif olunacaqdır.
