RegionTV.info Yevlaxda ağır yol qəzası baş verib. Hadisə Əkşəm kəndi yaxınlığından keçən magistral yolunda qeydə alınıb. Belə ki, “Lada Priora” markalı minik avtomobili kiçik yük tutumlu “QAZel” markalı yük maşını ilə toqquşub. Hadisə nəticəsində 1995-ci il təvəllüdlü Nuru Kərimov dünyasını dəyişib, 1995-ci il təvəllüdlü Fərhad Mustafayev, 1995-ci il təvəllüdlü Ərşad Quliyev və 1975-ci il təvəllüdlü Cəvahir Həsənova və daha bir nəfər agır xəsarətlərlə xəstəxanaya yerləşdirilib. Bərdədə də ağır yol qəzası qeydə alınıb. Belə ki, rayonun Qaradəmirçi kəndi ərazisində iki minik maşını - “VAZ 2106” və “VAZ 2107” toqquşub. Qəza nəticəsində sərnişinlərdən Tanrıverdi Hacıyev ölüb, Bərdə rayon sakinləri - 1991-ci il təvəllüdlü Qarayev Rüfət Əbülfət oğlu və 1990-cı il təvəllüdlü İsmayılov İlkin Şahin oğlu müxtəlif dərəcəli bədən xəsarətləri ilə Bərdə Rayon Mərkəzi Xəstəxanasına yerləşdirilib. Hər iki faktla bağlı araşdırmalar aparılır.
