Abşeronda üç avtomobil toqquşub, 2 nəfər xəsarət alıb.RegionTV.info xəbər verir ki, hadisə Duz gölünün yaxınlığında baş verib.
Belə ki, 90-HN-009 dövlət nişanlı “Mercedes” markalı avtomobili idarə edən Hüseynova Gülnar Əsəd qızı sükana nəzarəti itirib. Avtomobil “Nissan”a, daha sonra “Mercedes” və “VAZ 2106” markalı nəqliyyat vasitələrinə çırpılıb. Qəza zamanı üç nəfər xəsarət alıb.
Qeyd edək ki, “Mercedes Galandewagen”nin sürücüsü Gülnar Hüseynova “Qurtuluş 93” MTK-nın rəhbəri Məhərrəm Novruzovun həyat yoldaşıdır.
Xatırladaq ki, iyunun 14-də Hacı Məhərrəmin kürəkəni Kərbalayev Elşad Məhərrəm oğlu “Spring” otelin qarşısında idarə etdiyi 10-CO-002 dövlət nömrə nişanlı “Range-Rover” markalı nəqliyyat vasitəsilə piyadanı vuraraq öldürüb. Hadisə yerindən qaçmağa çalışan Elşad Kərbalayev daha sonra avtomobilini “Damas” markalı nəqliyyat vasitəsinə çırpıb. Zərbənin gücündən “Damas”da olan 3 nəfər ölüb.
