Bakıda azyaşlı qızları fahişəliyə cəlb etməkdə şübhəli bilinən Sədaqət Əhmədovanın cinayət işi üzrə ibtidai istintaq yekunlaşıb. RegionTV.info-nun məlumatına görə, cinayət işi üzrə toplanan materiallar baxılması üçün Ağdaş rayon Məhkəməsinə göndərilib. İş hakim Famil Nəsibovun icraatına verilib.
İş üzrə 8 azyaşlı qız zərərçəkən qismində çıxış edir. S.Əhmədova barəsində Cinayət Məcəlləsinin 171.1-ci ( yetkinlik yaşına çatmayanı fahişəlik və ya digər əxlaqsız əməllərə cəlb etmə) maddəsilə ittiham elan olunub.
Qeyd edək ki, Sədaqət Əhmədova bu il yanvar ayında şübhəli şəxs qismində saxlanılıb.
