2020-ci ildə Nobel mükafatlarının hər birinin məbləğinin 10 milyon İsveç kronuna (1 883 000 AZN) qədər artırılacağı bildirilib. 

Bu barədə “RİA Novosti” Nobel Fondunun açıqlamasına istinadla xəbər yayır. 

Qeyd olunur ki, 2012-ci ildən bəri fondun investisiya kapitalı 3 milyard krondan (564 900 000 AZN) 4,6 milyard krona (866 180 000 AZN) qədər artıb və bununla əlaqədar ildə beş Nobel mükafatının ödənildiyi gəlir də çoxalıb. 

Nobel mükafatı 2011-ci ilə qədər 10 milyon kron olub. Fondun gəlirindəki azalma səbəbiylə mükafatın məbləği həmin ildən 8 milyon krona (1 506 400 AZN) endirilib. 

2017-ci ildə mükafatlar 9 milyon krona (1 694 700 AZN) qaldırılıb.