Bu gecə Bakının Sabunçu rayonunda üç nəfər bıçaq xəsarəti alıb. RegionTV.info xəbər verir ki, hadisə Zabrat qəsəbəsində qeydə alınıb.
Belə ki, 2003-cü il təvəllüdlü Soltanov Fərhad Elşad oğlu və 2005-ci il təvəllüdlü Həsənli Tural Zəfər oğlu naməlum şəxs və ya şəxslər tərəfindən bıçaqlanıb.
F. Soltanova sol saidin kəsilmiş-deşilmiş yarası, T. Həsənliyə isə sol budun kəsilmiş-deşilmiş yarası diaqnozu qoyulub.
Eyni zamanda, 2004-cü il təvəllüdlü Nəzərov Şirxan Aslan oğlu da bıçaqlanıb.
Hadisənin təfərrüatları araşdırılır.
