Şabran rayonunda seksual xarakterli hərəkətlər etməkdə ittiham olunan 2002-ci il təvəllüdlü Höccətəli Soltanov, 2002-ci il təvəllüdlü Fərid Xalıqov və 2002-ci il təvəllüdlü Sabir Həmidovun cinayət işi üzrə məhkəmə prosesi başa çatıb.RegionTV.info-nun əldə etdiyi məlumata görə, Fərid Xalıqov 2017-ci ilin mayın əvəllərində, saat 12.00-da təhsil aldığı Şabran rayonun Şahnəzərli kənd orta məktəbinin idman zalında dərslərarası tənəffüs zamanı öz cinsi ehtirasını təmin etmək niyyəti ilə həmkəndlisi, həmin dövrdə kənd orta məktəbinin 8-ci sinif şagirdi, 2003-cü il təvəllüdlü Məlikin (ad şərti verilib – red.) köməksiz vəziyyətindən istifadə edərək ona bir məktəbdə oxuyan digər şəxslərlə qeyri-təbii yolla cinsi əlaqədə olması barədə onda onun haqqında məlumatın olduğunu bildirib, onunula da qeyri-təbii yolla cinsi əlaqədə olmağı təklif edib.
Məktəbin idman zalında təcavüz
Fərid Xalıqov onun təklifini qəbul etməyəcəyi təqdirdə bu rüsvayedici məlumatları yaymaqla Məliki biabır edəcəyi ilə hədələyib. Məlik onun təklifini qəbul etməyib və etiraz edib.
Bu zaman Fərid onun müqavimətini qırmaq üçün sonuncunun qolundan tutaraq zorla idman zalının paltardəyişmə otağına aparıb və orada ona qarşı zor tətbiq edərək yumruqla sinə nahiyəsinə zərbələr endirib. Onu soyundurub və qeyri təbii üsula cinsi əlaqədə olub.Bundan başqa Fərid 2019-ci il fevralın 11-də, saat 12.00-da həmin dövrdə onunla eyni orta məktəbin 11-ci sinfində oxuyan Höccətəli Soltanov və Sabir Həmidov ilə qabaqcadan əlbir olub, cinayət əlaqəsinə girib.
Məktəbliyə üç nəfər təcavüz etdi
Onlar təhsil aldıqları Şabran rayonunun Şahnəzərli kənd orta məktəbinin idman zalında dərslərarası tənəffüs zamanı Məlikə yaxınlaşaraq bir məktəbdə oxuyan həmkəndliləri ilə qeyri-təbii yolla cinsi əlaqədə olması barədə onlarda onun haqqında məlumatın olduğunu bildirib, onlarla da qeyri-təbii yolla cinsi əlaqədə olmağı ona təklif edib. Təklifini qəbul etməyəcəyi təqdirdə bu rüsvayedici məlumatları yaymaqla onu biabır edəcəyi ilə hədələyib, idman zalının paltardəyişmə otağında cinsi əlaqədə olublar.
“Ədavətimiz olmayıb”
İstintaq orqanı tərəfindən Höccətli Soltanov, Sabir Həmidov və Fərid Xalıqovun barəsində Cinayət Məcəlləsinin 150.2.1-ci (bir qrup şəxs, qabaqcadan əlbir olan bir qrup şəxs və ya mütəşəkkil dəstə tərəfindən seksual xarakterli zorakılıq hərəkətləri törətmək) və 150.2.3-cü (təqsirkar üçün aşkar surətdə yetkinlik yaşına çatmayan şəxs barəsində seksual xarakterli zorakılıq hərəkətləri törətmək) maddələri ilə ittiham elan edilib.
Hər üç şəxsin barəsində olan cinayət işi baxılması üçün Bakı Ağır Cinayətlər Məhkəməsinə göndərilib. Cinayət işi hakim Novruz Kərimovun sədrliyi ilə keçirilən iclasda araşdırılıb.Cinayət işi üzrə təqsirləndirilən şəxs qismində ifadə verən Fərid Xalıqov elan olunmuş ittiham üzrə özünü təqsirli bilməyib. O, ifadəsində göstərib ki, 2019-cu ildə Şabran rayonu Şahnəzərli kənd orta məktəbinin 11-ci sinfində oxuyub: “Dərslərə davamiyyətim yaxşı, qiymətlərim də orta olub. Məktəbin 10-cu sinfində təhsil almışam və məhkəmədə məni zərərçəkmiş şəxs kimi təqdim olunan Məlik tanınıb. Onunla ədavətimiz olmayıb”.
“Zalda güləşdik”
Fərid Xalıqovun ifadəsinə görə, 2019-cu ilin yanvarın əvəllərində 4-cü dərsin tənəffüsündə dəhlizdə Sabir və Höccətəli ilə birlikdə olduğu zaman 10-cu sinif şagirdi Məlik sinif uşaqlarını güləşmək üçün məktəbin idman zalına dəvət ediblər: “Birlikdə Məlikgilin sinif uşaqları ilə məktəbin idman zalına getdik. Məliklə birlikdə oxuyan 10-cu sinif şagirdləri Mahmud, Aqil və Ramazan da bizimlə birlikdə idman zalına gəldilər. Zalda mən, Məliklə, sinif yoldaşım Höccətəli isə 10-cu sinifdə oxuyan Mahmudla güləşdik. Bu zaman Höccətəli paltarlarını götürdü, paltardəyişmə otağına keçərkən 10-cu sinifdə oxuyan Aqil də onunla birlikdə paltardəyişmə otağına getdi. Ramazan da onların arxasınca paltardəyişmə otağına tərəf getdi. Məliklə təxminən 10 dəqiqə güləşdikdən sonra birlikdə dərsə qayıtdıq. Zaldan gedərkən Ramazanın paltardəyişmə otağının qapısı ağzında dayandığını və ətrafa baxdığını gördüm. Sabir və Aqil hələ də paltardəyişmə otağında idilər. Dərsə gəldikdən sonra həmin dərsin qurtarmasına az qalmış Höcətəli və Sabir də sinfə daxil oldular”.
“Aramıza girdiyi üçün vurduğumu dedim”
Təqsirləndirilən şəxsin ifadəsinə görə, 2019-cu ildə, saat 12.00-da onunla bir sinifdə təhsil alan Sabir sinifdən çıxıb harasa gedib: “Təxminən 2-3 dəqiqə sonra sinfə qayıtdı, sinif yoldaşım Höccətəlini sinifdən dəhlizə çağıraraq onunla birlikdə harasa getdilər. Dərs qurtardıqdan sonra məktəbdən çıxaraq yaşadığım evə getdim. Uşaqlarla birlikdə məktəbdən gedərkən sinif yoldaşlarım Sabir və Höcətəlinin çantaları sinifdə qalmışdı və onların hara getmələrini bilməmişəm. 2018-ci ilin yay aylarında məktəb uşaqları ilə birlikdə Şabran qoruğuna gedərkən orada məktəbdə oxuyan Şaban adlı uşaqla söhbət edərkən Aqil də gəldi. Aqilə kənara çəkilməsini deməsinə baxmayaraq o, kənara çəkilmədiyi üçün onu vuraraq kənara itələdim. Ertəsi günü Aqilin atası Habil də yanıma gələrək Aqili nə üçün vurmağımı soruşdu. Uşaqlarla söhbət edərkən Aqilin yanımıza gələrək aramıza girdiyi üçün onu vurduğumu dedim”.
“Əxlaqsız hərəkət etməmişəm”
Fərid Xalıqovun ifadəsinə görə, Aqlin əmisi oğlu Seymur da 2017-ci ilin fevral ayında məktəbə gələrək Höcətəlini, Sabiri və onu sinifdən çıxarıb: “Məktəbin arxa hissəsinə apararaq əmisi oğlunu nə üçün incitmələrinin səbəbini soruşdu. Onlar Aqilə qarşı hər hansı bir hərəkət etmədiklərini demələrinə baxmayaraq Seymur məni və Sabiri vurdu. Seymur həmin vaxt Aqilin özündən də mənə qarşı bir hərəkət edib-etmədiklərini yanında soruşdu. Aqil ona qarşı heç bir hərəkət etmədiyimizi dedi. Zərərçəkmiş şəxsə qarşı hər hansı bir seksual xarkterli əxlaqsız hərəkətlər etməmişəm”.
Digər təqsirləndirilən şəxslər də elan olunmuş ittiham üzrə özlərini təqsirli bilməyiblər. Onlar heç kimə qarşı seksual xarakterli hərəkətlər, əxlaqsızlıq etmədiklərini deyiblər.
Fərid Xalıqov 4 il, Höccətəli Soltanov 2 il, Sabir Həmidov 2 il müddətinə azadlıqdan məhrum ediliblər.
