Ötən il martın 14-dən bu günə qədər ölkədə yaşayış yerini icazəsiz tərk edən 2000 nəfərdən artıq aktiv koronavirus xəstəsi ictimai yerlərdə aşkarlanıb."RegionTV.info" xəbər verir ki, bu barədə Daxili İşlər Nazirliyinin Mətbuat xidmətindən məlumat verilib.
Məlumatda bildirilir ki, həmin şəxslərdən 912 nəfər barəsində cinayət qanunvericiliyinə uyğun olaraq cinayət işi başlanıb. Cinayət işi başlananlardan 142 nəfər bu ilin payına düşüb. Daxili işlər orqanları əməkdaşları ölkə ərazisində koronavirus infeksiyasının yayılmasının qarşısını almaq məqsədilə nəzarət profilaktik tədbirlərini davam etdirir.
