Rusiyada qanunsuz yaşayan miqrantlara fəaliyyətlərini leqallaşdırmaq imkanı veriləcək."RegionTV.info" xəbər verir ki, bu barədə qanun layihəsi ölkənin Daxili İşlər Nazirliyi tərəfindən hazırlanır. Layihə əsasən xüsusi vəziyyətdə olan miqrantlara şamil olunacaq.
Onlara qarşı xüsusi adminstrativ tədbirlərin görülməməsi, əvəllər qəbul edilən bu qəbildən qərarların da ləğvi nəzərdə tutulur.
Hazırda ölkədə əcnəbilərə və vətəndaşlığı olmayan şəxslərin vəziyyətinin leqallaşdırmasını nəzərdə tutan bəzi qanunlar var.
2020-ci ildə DİN-də miqrantlarla bağlı xüsusi konsepsiyanın hazırlandığına dair məlumat verilmişdi. Bildirilirdi ki, həmin sənədə əsasən, Rusiyaya gələn və gedən əcnəbilərdən əl izi götürüləcək. Hazırda üzərində iş gedən qanun layihəsinin detalları açıqlanmır.
