ABŞ-ın Esseks şəhərində yerləşən mağazaların birində naməlum şəxsin açdığı atəş nəticəsində azı iki nəfər ölüb."RegionTV.info"nun məlumatına görə, bu barədə “Fox News” xəbər verib.
Qeyd olunub ki, hadisə yerinə gələn polis iki nəfərin meyitini və bir yaralı şəxsi aşkar edib.
Bir müddət sonra yaxınlıqdakı yaşayış kompleksində atəş səsləri eşidilib. Ehtimal edilir ki, hadisəni törədən şəxs odlu silahdan atəş açaraq özünü vurub. Onun xəstəxanaya aparıldığı deyilir. Polis baş verən hadisələrlə bağlı açıqlama verməyib.
